Poemes et chants ch'ti :


Poèmes CHTI

Paul Barras :
Né en 1886, mineur puis porion au siège 5 de Liévin.
Auteur de "Récits et souvenirs en 1927.
Décédé en 1969.

Sonnet à m'belle !

J'ai quer sin pur et franc visache,
Sin douch' minois, ses yeux rieurs,
Sin teint rosé comme inn' imache
Ses biaux ch'feux dins tout' leu longueur.

J'ai quer l'opulanc'dé s'corsache,
Dus' que s'abrite et bat sin coeur.
Quand j'l'imbrass' cha m'donn' du courache
Et cha m'rimplit tout plein d'bonheur

Cha m'fait r'busier à min jonne ache,
Quand j' l'ai connue jonnette et sache
Et j'marsins cor si amoureux.

Qu'à fout l'début du mariache :
Aussi ch'est-y d'in air bénache
Que j'm'arvos à ces jours heureux.


- Inn' bonn' leçon

El' grand Duul étot malade,
Faut vous dir' que ch'est in guinceux
I avot s'nez rouch' comm' inn' tomate
A forch' ed' léquer ch'grand buveux.

Thérès ! _ ch'étot s'femm' _ inn' bonne pâte
Li-applicot des r'mèd fameux :
Sus' vinte, alle i collot d'z'implates,
Pour l'guérir, al faisot d'sin mieux.

In jour, pou l'corriger d'sin vice
Profitant du momint propice
Dus' qu'al' dévot tuer in lapin,

Thérès fait boir' à l'petiot'biète
in verre dé' g'nef : La mort fût nette.
" Té l'vos Dudul'? V'là c'qui t'attind !"...

Dudul' répond in ech'tant s'tiète
"Cha n'est mi bon pour chés lapins
L' génef, i-a té fait pour chés gins" !


Frédéric bayon
Poète-mineur méconnu qui publiait ses poèmes dans la presse régionale vers 1920.

L'Pauf' Vieux

J'devros ête in plein' forches et min corps déjà vieux
De chaqu'jour ed travall' m'a laiché des cops bleus
Pench'toudis pus avant vers el'tierre, vers el'fosse
Chell' d'uche qu'in déval'ra pour dire d'arposer m'dosse.
J' n'y arais pas d'soin d'quinquet, j' n'y arais pu d'soin d'otieux,
Ein pauver gins comme mi en' sarot point ét' mieux.
J'l'ai bin été souvint interré; d'pus qu'tout gosse
Pou qué j'min faich' pou cha à ch't'heur' qu'sus ein' vielle rosse

Awé ! avez-vous vu armonter un vieux qu'vo?
Avul', el' z'och' biquant, in butant i s'in vo
Li aussi, in peut dir' qu'i a fini s'carrière
S'pauf' carcass' est usée et chés hommes qui sont là
N' n'ont pitié, mais trop tard, car dins l'fosse meurtière
Y a trop trainné s'trapcier in but' à leu colère.